حـــــــــــبــــــــــــك عــــــــــــذبـــــــــنـــــــــــــــى

طيب طُل من الشباك
ده أنا واقف بستناك
إفتحلى باب صغير
أشوف بيه وشك الملاك
طيب قولى أنا بهواك
وريح قلبى معاك
بقى أفرشلك جناين ورد
وإنت تمشينى على الأشواك
ليالى وأنا سهران
وقلبى معاك حيران
وإنت ولا دارى بيا
وبتتقل عليا كمان
بشويش على قلبى بشويش
لا ييجى يوم ومتلقينيش
سيبنى زى ما أنا فى هواك
خلينى فى حبك أعيش
ياظالمنى فى حبك وجارحنى
ياتاعبنى إمتى تريحنى
أنا مش أد الحب ده كله
زى ما عذبتنى فرحنى
ياناس يادنيا إشهدوا عليه
اللى دابحنى برمش عينيه
قولوله يحن شويه عليا
أنا مش عارف عملتله إيه
قولوله البعد نار
قولوله الحب نار
وانا بين نار ونار
مش قادر أخد قرار
أنا هخبيه بين عينيا
من أى حسود فى الدنيا
حوشى يادنيا عُزالك
وحوشى عنه الأسية
ياقمر منور فى العالى
يارمينى فى بحور الليالى
لو كان حبك شىء بيدى
كنت قولت طب وأنا مالى
عينيا بتبعتلك مراسيل
حن عليهم بقى ياجميل
حرام ترمينى فى نار حبك
حرام أسهر كل ليل

ربنا يخليك يابوب انت اللى اجمل ومنور التوبيك

تسلم ايدك يا قمر
كلام جميل اوي

وتسملى انك نورتى التوبيك يا مونى