بــــــــــتــو حـــــــشــــــيــــــــــــنــــــــــى

mayar كتب:اهداء الى كل حبيبين:_



بتوحشينى

لما الاقى الضحكة طالة من شفايفى
بس ناقص نصها
لما اتذكر عنيكى وهى نايمة
فى سحرها
لما اسمع وحدى غنوة
انا وانتى نحبها..

بتوحشينى

لما اروح عند شجرة توت
وانام فى ضلها
واشوف بعينى كل توتة فى فروعها
فاقدة لونها وطعمها
والخضرة اللى ف اوراقها
مش خاضرة اوى
والوردة هجرت غصنها..

بتوحشينى

لما الاقى نجمة باصة من السما
من غير قمر يضحك لها
لما الاقى الشجرة تصرخ من العطش
من غير مطر ينزل لها
لما اشوف سحابة تايهة
فى العلالى
لوحدها...

بتوحشينى

واخاف عليكى

لما اشوف عصفورة واقفة
فى عش صقر
فكراه عشها
لما اشوف حمامة بيضة تشبهك
من غير وليف يحبها..

بتوحشينى

واخاف عليكى
لما الاقى البحر هايج
وموجة تجرى فى نحية
وف غيرها تجرى اختها
لما الاقى مهما امشى
الخطوة واقفة محلها..

بتوحشينى

لما القى الدنيا برد فى كل وقت
لان غابت شمسها
وافضل اتحايل على الرعشة الى ساكنانى
ما تسيبينى
يرد البرد مش راح أسيبك الا فى حضنها
دا الدفا كل الدفا لما تلمس كفها..

بتوحشينى

ساعتها تصرخ كل حتة من كيانى
يلا بينا نروح لها
وكل دقة ف قلبى صرخت
يلا بينا نروح لها
ما انتى اصلك بتوحشينى..


يـــــــــــــــاربــــــــــــــــ تــــــــــــــــعــــــــــــــجـــــــــــــــبـــــــــــــــــــــــــــــكــــــــــــــــــــــــــــــــــــــــو