مش لازمــــــ تــــــــــحــــــلــــــــــــم

mayar كتب:

تاهت عيونى فى القلوب
ولا فيش قلوب بتحنلى
ياهل ترى هعشق بشر
ولا الانين هيضمنى
كل القلوب صارت زحام
ومفيش حبيب بيخصنى
ولا ألاقى شفقه من قريب
فازاى غريب هيحسنى

ياميت خسارة عالقلوب
لما تموت من حبها
وياميت خسارة لو تعيش
من غير ماحب يهزها
نارى خلاص صبحت رماد
والدمع طفى حرها
مش لاقى فيا غير سنين
وجراح بتحكى لبعضها
كل الحكاوى بتنتهى
وحكايتى ضايع نصها
ضاعت وضاعت كل يوم
أحلامى منى فصغرها

خايف انام واحلم بيوم
والدنيا تخلف وعدها
وألاقى حلمى من جديد
ينحت بدمه فصخرها
مسكين ضعيف مش لاقى خيط
هيموت اوام على ارضها
يبقى خسارة أحلمه وأعشمه
وأشوفه ميت بعدها