30 سر من اسرار الشباب??

من طرف yasmin الأحد مارس 21, 2010 11:52 pm

1-شاب بيبص على البنت الحلوة
(لان الله جميل يحب الجمال)
بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيه .

5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الشاب تكون عينه زايغة على البنات اللي رايحة و اللي جاية بس
صدقيني قبل ما يجي ينام بيفكر في البنت اللي بيحبها و يحب يبقى آخر صوت
سمعته ودانه قبل ما ينام صوتها .

7- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك وحشة ) .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .

12- الشاب بيبقى نفسه يقول ويقول عن نفسه .......... بس مبيعرفش يقول غير
عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشاب بيعيط

(مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

15- الشاب ميعرفش يحلم و يتأمل كتيير زيك و معندوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شاب أنتي كده دخلتي سكة مفيهاش رجعة
(دخول الحمام مش زي خروجه) .

18- اوعي تدي شاب رسالة متعلقة زي " عارف... " أو " عايزة أقولك حاجة....
" و تسيبيه كده عشان كدة دماغه هتنط لاستنتاج بعيد أوييييييي عن اللي في
دماغك

19- الشاب بيتجنن لما بيلمس ايدك .

20- الشاب لما يكون بيلعب بكلامه و بينقط كلام زي العسل يدوخ بيه اجدع بنت
بس تعالي حطيه قدام واحدة بيحبها هيتأتأ و كأن القطة اكلت لسانه

21- لما الشب يقولك " اااممممم " أو يديكي أي عذر لما تطلبي منه حاجة
اعرفي انك مش عاجباه ومش مستعد يديكي (الكريديت كارد) أو حتى يدفع فيكي
قرش واحد .

22- قولي للشاب أنتي عايزة إيه منه بالضبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لشاب " لأاااه " بيسمعها هوا حاول تاني بكرا
(معلش أطرش هههههههههههههه) .

24- الشاب بيكره الشاب الفافي .

25- الشاب بيموت في أمه (يعني كلوا الا هيا) .

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشاب إلا لو سمعتيه كويس
(فبلاش بقاه تنزلي لوك لوك لوك لوك و اديه فرصة ينطق) .

29- الشب لو قالك بحبك مرة واحدة في القرن اعرفي انو فعلا بيحبك
(بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الشاب احسن واحد ينشر الإشاعات يعني في خلال ساعة
واحدة شباب مصر كلها هيعرفوا اللي عايز يقوله من غير ما يعرفوا صدق والا
كذب

طبعا فيه كلام انا مش مقتنعه بيه

بس عايزة اعرف
ايه رايكم ؟؟؟؟؟؟؟؟؟؟؟؟

من طرف قلب ميت الإثنين مارس 22, 2010 3:45 am

في كلام صح وفي كلام مش صح Smile

من طرف yasmin الإثنين مارس 22, 2010 12:09 pm

merci ala radak we nawart el tobik

من طرف ريم الثلاثاء مارس 23, 2010 8:03 pm

من طرف yasmin الثلاثاء مارس 23, 2010 9:37 pm

merci ala radek we nawarti el tobik ya amar

من طرف **mohamed mahmoud** الجمعة مارس 26, 2010 5:14 pm

هههههههههههههههههههههه ايوه كده اتعدلى

شكرااا على التوبيك الجميل يا ياسو

من طرف yasmin الجمعة مارس 26, 2010 8:46 pm

al et2dli al nawart el mawdo3 30 سر من اسرار الشباب?? 585195

من طرف **Amany17** السبت مارس 27, 2010 11:21 pm

yasmin كتب:1-
6- صحيح ممكن الشاب تكون عينه زايغة على البنات اللي رايحة و اللي جاية بس
صدقيني قبل ما يجي ينام بيفكر في البنت اللي بيحبها و يحب يبقى آخر صوت
سمعته ودانه قبل ما ينام صوتها .
اللي عينيه زايغة نخرمهاله
10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .
اللي فاتت؟
منين يا حسرة
ماهو عارف البير وغطاه

13- على فكرة الشاب بيعيط

(مهما بان جامد و قوي مهوا بني آدم برضو) .
والله بتبقي اجمل حاجة في الشاب
بس مش عمال علي بطال

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

17- لما توصلي لقلب شاب أنتي كده دخلتي سكة مفيهاش رجعة
(دخول الحمام مش زي خروجه) .
تمااااام

18- اوعي تدي شاب رسالة متعلقة زي " عارف... " أو " عايزة أقولك حاجة....
" و تسيبيه كده عشان كدة دماغه هتنط لاستنتاج بعيد أوييييييي عن اللي في
دماغك
لا مش مقتنعة بدي
لشباب مش عندهم فضول زي البنات

19- الشاب بيتجنن لما بيلمس ايدك .
لا عييييييييييييب

20- الشاب لما يكون بيلعب بكلامه و بينقط كلام زي العسل يدوخ بيه اجدع بنت
بس تعالي حطيه قدام واحدة بيحبها هيتأتأ و كأن القطة اكلت لسانه

23- لما تقولي لشاب " لأاااه " بيسمعها هوا حاول تاني بكرا
(معلش أطرش هههههههههههههه) .
لا واقع علي ودنه

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .
لازم سواد؟
مينفعش خضار!

28- مستحيل تفهمي الشاب إلا لو سمعتيه كويس
(فبلاش بقاه تنزلي لوك لوك لوك لوك و اديه فرصة ينطق) .
تفتكري لو الواحدة مننا سكتت شوية يبقي ايه دورها في الحياة؟

29- الشب لو قالك بحبك مرة واحدة في القرن اعرفي انو فعلا بيحبك
(بس مفيش مانع حضرته يسمعك شوية كلام حلو عشان يحسسك بأنوثتك) .
ده مش بمزاجه ده غصب عنه

من طرف yasmin الإثنين مارس 29, 2010 2:21 am

nawarti el tobik ya amar

30 سر من اسرار الشباب??

30 سر من اسرار الشباب??

رد: 30 سر من اسرار الشباب??

رد: 30 سر من اسرار الشباب??

رد: 30 سر من اسرار الشباب??

رد: 30 سر من اسرار الشباب??

رد: 30 سر من اسرار الشباب??

رد: 30 سر من اسرار الشباب??

رد: 30 سر من اسرار الشباب??

رد: 30 سر من اسرار الشباب??