ممكن افضفض

يا جماعة بما انكم اخواتي
انا بجد مخنوقة جدا
النهاردة الجمعة 10\7\2009
الساعة 7:42 pm
يعني كمان 18 دقيقة المغرب هايأذن ان شاء الله
بعد المغرب عندي كتب كتاب ولحدة صاحبتي من 11 سنة
اول صديقة ليا واقرب وحدة كمان
حد متخيل ان اليوم ده انا مستنياه من 4 سنين
ولما جيه
انا مش هاحضره
كل اللي اقدر عليه اني اقف في البلكونة اسمع طراطيش كلام جاي من المسجد








اسفة اني طولت عليكم

اكيد السبب مش محتاج ذكاء
عقاب طبعا

Amany17 كتب:اكيد السبب مش محتاج ذكاء
عقاب طبعا

لو عايزه كلمه من حد
لازم تروحى تقفى مع صاحبتك
الميعاد عدى دلوقتى بس روحيلها ان شاالله تقعدى معاها خمس دقايق
لو مش علشان تبعدى عن الجو اللى انتى فيه يبقى علشان صاحبتك

يا بنتي انا ممنوعة من اني اشوف الشارع اصلا
يعني مش بمزاجي
ما انتي عارفة

Amany17 كتب:يا بنتي انا ممنوعة من اني اشوف الشارع اصلا
يعني مش بمزاجي
ما انتي عارفة

اااااااااه
مش عارفه اقول ايه
ربنا معاكى وتعدى الازمه دى على خير يارب

ربنا معاكى امانى بجد الواحد زعلان علشانك والله ؟
مش عارف اقولك ايه غير ربنا يكون معاكى ان شاء الله
وعاوز اعرف حاجه واحة بس انتى قدمتى الاتماس للزغبى ولا لمين ؟
تقبلى مرورى
احمد كوستا

ربنا يخليك يا احمد
يلا نصيبي بقي
اها قدمت الالتماس للزوغبي

طيب الى واخداه منك اسمها أ هيام سكرتيرة الزغبى ولا مين معلش واصلا مينفعش الزغبى ياخد التماس بس لو معاه والله هيكون فى نتيجه جامدة وهوا كان مع بابا اول امبارح والله يا امانى وكلمه عليكى بس انا عاوز اعرف ازاى يخدوة منك الالتماس

بص انا مش عارفة التفاصيل
اللي اعرفه ان بابا كان رايح ومعاه عميد زراعة مش عرفة اسمه ايه
بس
بكرة ان شاء الله هارد عليك

Amany17 كتب:بص انا مش عارفة التفاصيل
اللي اعرفه ان بابا كان رايح ومعاه عميد زراعة مش عرفة اسمه ايه
بس
بكرة ان شاء الله هارد عليك

بس اللى اعرفه ان الزغبى ما لهوش دعوه بالالتماس
الالتماس بيتقدم لشئون الطلبه

اصل من حظي الجميل ان المادة اللي مقدمة فيها التماس في التيرم الاول
العميد بتاعن قالي ان الموضوع خرج من ايده
فمفيش قدامي غير ان رئيس الجامعة يوافق علي اعادة تصحيح المادة دي
الموضوع كبير كبير

يا رب يكون خير
شكرا يا محمد