اّه ياقلبى اّه

ّاّه ياقلبى اّه
أخيراً رجعت ليا من تانى
تدق فيا وتحيّنى
ده حبيبى عليا حنون والأيام عمرها ماتهون
ياترى الزمن رجع يضحكلى من تانى ولا دى نوبة فرح وهتعدى
حاسه بالأمان والدفا والحنان
ياريت ياقلبى تفضل فرحان
ومترجعش تبكينى زى زمان
حبه ليا نسانى ومن برد الحرمان دفانى
ده حبيبى بحبه مغطينى وبحنانه ملينى
كل ده يازمان مخبيه
ياترى بتعوضنى ليالى زمان ليالى الأه والحرمان
يلا ياقلبى دق فيا واحيّنى
ده حبيبى معايا وبحبه ليا مكفينى
واّه يازمان كل ده فرح بتدهولى
وياترى ايه بعديه سعاده وهنا
ولا توها وحرمان
اوعى تدوس عليا من تانى ده اللى كان فيا مغطينى
وحبيبى جيه ليا ونسانى
أوعى توجعنى من تانى
بعد ماقلبى دق من تانى
ده حبيبى ده حب تانى
غير حب القصص والرويات
ده حبه يمحى كل الذكريات
ويرجع ليا ولقلبى البسمه من تانى